關於我們

點解會有寵物雜貨?

話説2002年的時候, 奴才領養咗隻貓, 好似啲人類的父母咁, 將對小朋友的希望憑藉改名表演出來, 所以幫主子改咗個名叫 ”肥嘟嘟”, 希望佢貓如其名真係肥嘟嘟咁長大! 而果時奴才乜都唔識, 盲中中咁就帶咗佢返屋企!!

肥嘟嘟佢好乖架, 成日都唔郁, 一日到黑淨係訓覺, 唔會周圍攪破壞, 咁奴才就緊係以為自己執到寶啦! 點知... 原來佢有貓瘟, 醫生話因為主子唔舒服所以先唔郁, 由於主子得2個月大, 醫生話只能盡力幫佢, 因為咁細小的貓b而且有貓瘟, 隨時都會有生命危險架......

好彩~ 經過1個月左右的治療, 主子好返喇~ yeah~ 不過佢的體質好明顯係比同年齡的貓差, 同埋食極都好似唔吸收咁, 由果一刻開始, 奴才就四出搜羅對主子好的野, 無論衣食住行, 總之係對主子好的都唔放過 :)

如是者到主子3歲的時候, 奴才突然覺得有好野就緊係要分享開去啦, 因此係2005年的夏天, 寵物雜貨就誕生喇^^